0



மாலையில் பள்ளியில் இருந்து பசியோடு வரும் குழந்தைகளுக்கு சூப்பரான எளிய முறையில் செய்யக்கூடிய சேமியா கிச்சடி செய்து கொடுக்கலாம்.


தேவையான பொருட்கள்

சேமியா - 2 கப்
பெரிய வெங்காயம் - 2
கேரட் - 1
பச்சை மிளகாய் - 4
இஞ்சி - சிறிய துண்டு
கொத்தமல்லித்தழை - ஒரு கொத்து
கடுகு - 1/2 தேக்கரண்டி
கடலைப்பருப்பு - 1/2 தேக்கரண்டி
உளுந்து - 1/2 தேக்கரண்டி
கறிவேப்பிலை - 1 கொத்து
எண்ணெய் - 2 மேஜைக் கரண்டி
உப்பு - தேவையான அளவு

செய்முறை :

* வெங்காயத்தை நீளமாகவும், பச்சை மிளகாய், இஞ்சி, கேரட் ஆகியவற்றை பொடியாகவும் நறுக்கிக் கொள்ளவும்.

* சேமியாவை கடாயில் போட்டு 1 ஸ்பூன் நெய் சேர்த்து வறுத்து கொள்ளவும்.

* அடுப்பில் வாணலியை வைத்து எண்ணெய் ஊற்றி காய வைத்து கடுகு, உளுந்தம்பருப்பு, கடலைப்பருப்பு போட்டு தாளித்த பின் வெங்காயம், இஞ்சி, ப.மிளகாயை போட்டு வதக்கவும்.

* வெங்காயம் நன்றாக வதங்கியதும் கேரட், கறிவேப்பிலை, உப்பு ஆகியவை சேர்த்து நன்கு வதக்கவும்.

*  அனைத்தும் நன்றாக வதங்கியதும், 3 கப் தண்ணீர் சேர்த்து நன்கு கொதிக்க விடவும்.

* தண்ணீர் கொதிக்கும்போது சேமியாவைப் போட்டு லேசாக கிளறி விடவும்.

* அடுப்பை சற்று குறைந்த தீயில் எரியவிட்டு, சேமியா நன்கு வெந்ததும், கொத்தமல்லித்தழை, நெய் சேர்த்து ஒரு கிளறு கிளறி அடுப்பிலிருந்து இறக்கி பரிமாறவும்.

* சேமியா கிச்சடி ரெடி.
 குரு பெயர்ச்சி ராசி பலன்கள் 2017 - 2018
 சனி பெயர்ச்சி ராசி பலன்கள் 2017 - 2020
 ஆங்கில புத்தாண்டு ராசி பல‌ன்க‌ள் 2017
 http://www.kalvinila.net/2016/12/2017_98.html 

Post a Comment

 
Top