0



வெயில் காலத்தில் கேழ்வரகு, கீரையை அதிகளவு சேர்த்து கொள்வது உடலுக்கு குளிர்ச்சியை தரும். இன்று கேழ்வரகில் கீரை சேர்த்து ஊத்தப்பம் செய்யும் முறையை பார்க்கலாம்.


தேவையான பொருட்கள் :

இட்லி மாவு - 1 கப்
முழு ராகி - 1 கப்
கீரை - 1 கப்
வெங்காயம் - 1
ப.மிளகாய் - 2
கறிவேப்பிலை - சிறிதளவு
உப்பு, எண்ணெய் - தேவைக்கு
சீரகம் - 1 ஸ்பூன்

செய்முறை :

* சிறுகீரை, முளை கீரை, வெந்தயகீரை, முருங்கைகீரை என எந்த கீரை வேண்டுமானதும் சேர்த்து கொள்ளலாம். விருப்பப்பட்ட கீரையை நன்றாக சுத்தம் செய்து பொடியாக நறுக்கி கொள்ளவும்.

* வெங்காயம், ப.மிளகாயை பொடியாக நறுக்கி கொள்ளவும்.

* முழு கேழ்வரகை 2 மணி நேரம் ஊற வைத்து கழுவி, கல் நீக்கி மிக்ஸியில் நன்றாக அரைத்து புளித்த இட்லி மாவுடன் உப்பும் சேர்த்து நன்றாக கலந்து வைக்கவும்.

* கடாயை அடுப்பில் வைத்து 1 ஸ்பூன் எண்ணெய் ஊற்றி சீரகம் போட்டு தாளித்த பின் வெங்காயம், ப.மிளகாயை போட்டு வதக்கவும்.

* வெங்காயம் நன்றாக வதங்கியதும் அதில் கீரை, உப்பு போட்டு 3 நிமிடம் வதக்கி ஆற விடவும்.

* வதங்கிய கீரையை மாவில் சேர்த்து நன்றாக கலந்து கொள்ளவும்.

* தோசை கல்லை அடுப்பில் வைத்து சூடானதும் அதில் மாவை சற்று தடியாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

* சத்து நிறைந்த கேழ்வரகு கீரை ஊத்தப்பம் ரெடி.
 குரு பெயர்ச்சி ராசி பலன்கள் 2017 - 2018
 சனி பெயர்ச்சி ராசி பலன்கள் 2017 - 2020
 ஆங்கில புத்தாண்டு ராசி பல‌ன்க‌ள் 2017
 http://www.kalvinila.net/2016/12/2017_98.html 

Post a Comment

 
Top