0



ராஜ்மா மசாலா சாதம் மற்றும் ரொட்டியுடன் சாப்பிடுவதற்கு நன்றாக இருக்கும். இன்று இந்த ராஜ்மா மசாலாவை எப்படி செய்வது என்று பார்க்கலாம்.


தேவையான பொருட்கள் :

சிகப்பு கிட்னி  பீன்ஸ்(ராஜ்மா பீன்ஸ் ) - 1 கப்
பெரிய வெங்காயம் - 1
தக்காளி - 3
மஞ்சள்தூள் - 1/4  தேக்கரண்டி
மிளகாய்த்தூள் - 2  தேக்கரண்டி
மல்லித்தூள் - 1 தேக்கரண்டி
கரம் மசாலாத்தூள் - 1 /2  தேக்கரண்டி
சீரகத்தூள் - 1 /2  தேக்கரண்டி
இஞ்சி - பூண்டு - 2 ஸ்பூன்

தாளிக்க :

சீரகம் - 1/2  தேக்கரண்டி
பட்டை - 1 சிறிய துண்டு
பிரியாணி இலை - 1
நெய் - தேவைக்கு
எண்ணெய் - 2  மேசைக்கரண்டி

செய்முறை :

* ராஜ்மா பயிரை 8 மணி நேரம் வரை  ஊற வைத்து உப்பு சேர்த்து வேக வைத்துக் கொள்ளவும்.

* வெங்காயத்தை பொடியாக நறுக்கிக் கொள்ளவும்.

* தக்காளியை சுடு நீரில் ஊற வைத்து தோலுரித்து, நன்கு அரைத்துக் கொள்ளவும்.

* கடாயில் எண்ணெய், நெய் ஊற்றி சூடானதும் தாளிக்க கொடுத்துள்ள பொருட்களை ஒவ்வொன்றாகச் சேர்த்து தாளித்த பின் வெங்காயம் சேர்த்து பொன்னிறமாக வதக்கிக் கொள்ளவும்.

* வெங்காயம் நன்றாக வதங்கிய பின்னர் இஞ்சி, பூண்டு விழுது, மிளகாய்த்தூள், மல்லித்தூள், மஞ்சள்தூள் சேர்த்து பச்சை வாசனை போக வதக்கிக் கொள்ளவும்.

* அடுத்து அதில் தக்காளி விழுது சேர்த்து நன்கு வதக்கிக் கொள்ளவும்.

* தக்காளி நன்றாக வதங்கியதும் வேக வைத்துள்ள ராஜ்மா, தேவையான அளவு தண்ணீர், சீரகத்தூள் மற்றும் கரம் மசாலாதூள் சேர்த்து 20 நிமிடங்கள் வரை குறைந்த தீயில் வேக வைக்கவும்.

* திக்கான பதம் வந்தவுடன் கொத்தமல்லி தழை தூவி இறக்கவும்.

* சூப்பரான ராஜ்மா மசாலா ரெடி.
 குரு பெயர்ச்சி ராசி பலன்கள் 2017 - 2018
 சனி பெயர்ச்சி ராசி பலன்கள் 2017 - 2020
 ஆங்கில புத்தாண்டு ராசி பல‌ன்க‌ள் 2017
 http://www.kalvinila.net/2016/12/2017_98.html 

Post a Comment

 
Top